काठमाडौँ — नेपाल स्क्वास एन्ड राकेट्स सघले बुधबार १९ औं एसियाली खेलकुदका लागि ६ खेलाडी छनोट गरेको छ । चीनको हाङझाउमा हुने १९ औं एसियाली खेलकुदका लागि ३–३ पुरुष/महिला खेलाडी छनोट भएको संघले जनाएको छ ।
पुरुषतर्फ अरहान्तकेशर सिंह, अमृत थापामगर र अमिर ब्लोन तथा महिलातर्फ विफना ब्लोन, वृष्णा थापा र स्वस्थानी श्रेष्ठ छनोट भएका छन् । असोज ६ देखि हुने एसियाडमा नेपालले स्क्वासतर्फ एकल र टिम इभेन्टमा प्रतिस्पर्धा गर्नेछ ।