चर्च ब्वाइजको हारले जावलाखेल शीर्षमै

आर्मीको जितमा जेसनजिलेप्सी कार्कीले ४३ औं मिनेटमा निर्णायक गोल गरे । यो जितपछि आर्मीको २४ अंक भएको छ । लगातार चार खेलपछि चर्च ब्वाइजले यो हार बेहोरेको हो । आर्मीले भने चार खेलको जितहीन यात्रापछि पहिलो ३ अंक हात पार्न सफल रह्यो ।

शनिबार नै च्यासलमा भएको खेलमा मछिन्द्रले लय गुमाएको थ्रीस्टारलाई १–० ले हरायो । दुई पल्टको डिफेन्डिङ च्याम्पियन मछिन्द्रका लागि जापानी खेलाडी युता सुजुकीले नवौं मिनेटमा गोल गरे । यो जितपछि मछिन्द्रको २७ अंक भएको छ । थ्रीस्टार २५ अंकमै सीमित रह्यो । थ्रीस्टार पछिल्ला छ खेलमा जितहीन रहेको छ र यस अवधिमा उसले चार खेलमात्र प्राप्त गरेको छ । थ्रीस्टारले पछिल्ला तीन खेलमा कुनै गोल पनि गर्न सकेको छैन ।