वादोरियो कराते टोली मलेसियातिर
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — १९ औं अन्तर्राष्ट्रिय ओकिनावा गोजुरियो इपोह सिटी खुला कराते प्रतियोगितामा नेपालका १० खेलाडीले प्रतिस्पर्धा गर्ने भएका छन् । त्यसका लागि नेपाली वादोरियो कराते टोली बुधबार मलेसिया गएको छ ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![वादोरियो कराते टोली मलेसियातिर](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2023/third-party/343-0952023043336-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
मे १२ देखि १४ सम्म हुने प्रतियोगिताको पुरुष २५ केजीमा देवकुमार साह, प्रजेश शाही र आरोन शेरचन, ३० केजीमा संगम कँडेल र सुशान्त खड्का तथा ३५ केजीमा रिदेश बस्यालले प्रतिस्पर्धा गर्नेछन् ।
महिला २५ केजीमा प्रसिद्धि शर्मा, ४० केजीमा समीक्षा सार्की, ४५ केजीमा वैष्णवी बर्मा र ५० केजीमा आकृति कँडेलले भाग लिनेछन् । प्रशिक्षकमा कमरुद्दिन अली, व्यवस्थापकमा शोभाकर पन्त र अफिसियलमा समी थापा शर्मा छन् ।
टोलीलाई सफलताको शुभकामना दिँदै राष्ट्रिय खेलकुद परिषद् (राखेप) का सदस्य–सचिव टंकलाल घिसिङ, राखेपका सदस्य अञ्जन धमला, नेपाल कराते महासंघका वरिष्ठ उपाध्यक्ष हरिशरण केसीलगायतले बिदाइ गरे ।
![](https://assets-cdn.ekantipur.com/uploads/source/ads/900-x-100-0172024023126.gif)