दिल्लीविरूद्ध लखनउ सजिलै विजयी

चैत्र १९, २०७९एजेन्सी

लखनउ — लखनउ सुपर जायन्ट्सले शनिबार इन्डियन प्रिमियर लिग (आईपीएल) २०२३ मा दिल्ली क्यापिटल्समाथि सजिलो ५० रनको जित निकालेको छ । जितका लागि १ सय ९४ रनको लक्ष्य पछ्याएको दिल्लीले नौ विकेट गुमाएर १ सय ४३ रन मात्र बनाउन सक्यो ।

‘प्लेयर अफ द म्याच’ मार्क उडले १४ रन खर्चेर पाँच विकेट लिएपछि दिल्ली कुनै पनि समय आफ्नो लक्ष्यको नजिक रहेन् । कप्तान डेविड वार्नरले बनाएको ५६ रन नै एक मात्र उल्लेखनीय प्रदर्शन रह्यो ।

त्यस अगाडि पहिले ब्याटिङ गरेको दिल्लीले केली मेयर्सको ३८ बलकामा ७३ रनको मदतले छ विकेट गुमाएर १ सय ९३ रनको ठोस स्कोर खडा गरेको थियो ।

प्रकाशित : चैत्र १९, २०७९ ०७:०२

प्रतिक्रिया

अर्को समाचार

संग्रह सेयर

खेलकुद

चेल्सीमाथि भिल्लाको प्रभावशाली जित

चैत्र १९, २०७९एजेन्सी

लन्डन — एस्टन भिल्लाले इंग्लिस प्रिमियर लिगमा शनिबार चेल्सीमाथि २–० को प्रभावशाली जित निकालेको छ । घरमै भएको एक अर्को खेल गुमाएपछि चेल्सीका व्यवस्थापक ग्राहम पोटरमाथिको दबाब अझ बढेको छ ।

भिल्लाको जितमा ओली वाटकिन्सन र जोन म्याकगिनले एक एक गोल गरे । यो जितपछि भिल्ला ४१ अंकमा सातौं स्थानमा उक्लेको छ । चेल्सी भने ३८ अंकमा ११ औं स्थानमा झरेको छ ।

शनिबारका अन्य खेलमा शीर्ष स्थानमा रहेको आर्सनलले लिड्सलाई ४–१ ले हरायो । यो जितपछि उसको ७२ अंक भएको छ र यो दोस्रोमा रहेको म्यानचेस्टर सिटीमाथि आठ अंकको ठोस अग्रता हो ।

प्रकाशित : चैत्र १९, २०७९ ०७:००

पूरा पढ्नुहोस्

प्रतिक्रिया

थप केही खेलकुदबाट