लिभरपुलमाथि सिटीको उत्कृष्ट पुनरागमन जित

लिभरपुलले मोहमद सलाहको गोलले अग्रता लिएको थियो । त्यसयता पेप ग्वार्डिआलोको सिटीका लागि लुनियन अल्भारेज, केभिन डे ब्रुएना, इलकय गुन्डोगन र ज्याक ग्रेलिसले गोल गरे । यो जितपछि सिटीको २८ खेलबाट ६४ अंक भएको छ । यो शीर्ष स्थानमा रहेको आर्सनलसँग ५ अंकको दूरी हो । लिभरपुल भने ४२ अंकमै सीमित रहेर छैटौं स्थानमा रह्यो । हारले उसको युरोपेली च्याम्पियन्स लिग खेल्ने अभियान अझ कमजोर भएको छ ।