कान्तिपुर वेबसाईट
AdvertisementAdvertisement
२६.१२°C काठमाडौं
काठमाडौंमा वायुको गुणस्तर: १९३

सूर्य नेपाल च्यालेन्ज : रविको अग्रता

काठमाडौँ — सूर्य नेपाल च्यालेन्ज गल्फको पहिलो दिन मंगलबार रवि खड्का अग्रता बनाएका छन् । ५ अन्डर ६३ को उत्कृष्ट कार्ड बनाएका रविले दिनेश प्रजापतिलाई एक स्ट्रोकले पछि पारेका छन् ।

सूर्य नेपाल च्यालेन्ज : रविको अग्रता

सूर्य नेपाल गल्फ टुर २०२२–२३ अन्तर्गत छैटौं प्रतियोगिता रोयल नेपाल गल्फ क्लबमा सुरु भएको हो । ४ अन्डर ६४ सहित दिनेश दोस्रोमा छन् । भुवन नगरकोटी र दीपक थापा मगरले २ अन्डर ६६ मा संयुक्त तेस्रो स्थान ओगटे । उनीहरू लिडर रविभन्दा ३ स्ट्रोकले पछि छन् । १ अन्डर ६७ को स्कोरमा प्रो भुवनकुमार रोक्का तथा एमेच्योरद्वय सुवास तामाङ र सुरेश तामाङ पाँचौं स्थानमा‌ छन् ।

भेट्रान गल्फर रामे मगरले इभन पार ६८ सहित आठौं स्थानमा पहिलो १८ होलको खेल सकेका थिए । १ ओभर ६९ मा प्रो धनबहादुर थापा र शिवराम पौडेल तथा एमरच्योरद्वय युवराज भुजेल र सद्भव आचार्यले संयुक्त नवौं स्थान बाँडे ।

रविले सानदार सुरुआत गर्ने क्रममा पहिलो होलमा बर्डी प्रहार गरे भने ५ पारको चौथो होलमा इगलको सफलता पाए । जसले गर्दा फ्रन्टनाइन ३ अन्डर ३१ मा सकाए । यसपछि १०, १७ र १८ औं होलमा एक–एक शट बचाउँदा १६औं होलको बोगीले ब्याकनाइन २ अन्डर ३२ मा पूरा गरे ।

दिनेशले बोगीरहित कार्ड बनाए । चौथो र पाँचौं होलको बर्डीले फ्रन्टनाइन २ अन्डर ३२ मा पूरा गरे । यसपछि १० र १३ औं होलमा पनि एक–एक शट बचाउँदै ब्याकनाइन पनि २ अन्डर ३२ मा टुंग्याए ।

भुवनले तेस्रो होलको बोगीविरुद्ध चौथो र आठौं होलमा बर्डी प्रहार गर्दै ब्याकनाइन १ अन्डर ३३ मा टुंग्याए । यसपछि १० र १३ औं होलमा बर्डीको सफलता पाए । १७ औं होलको बोगीले ब्याकनाइन पनि १ अन्डर ३३ मा पूरा गरे ।

प्रोफेसनल गल्फर्स एसोसिएसन नेपालद्वारा आयोजित र सूर्य नेपाल प्रालिको प्रायोजनमा जारी ७२ होलको प्रतियोगितामा ३६ होल समाप्तिमा कट हुनेछ । जहाँ उत्कृष्ट २१ प्रोफेसनल र टाइमा पर्ने खेलाडी तथा कम्तीमा ६ एमेच्योर खेलाडीले अन्तिम ३६ होलका लागि स्थान बनाउने छन् । प्रतियोगितामा ८ एमेच्योरसहित ३७ खेलाडीले प्रतिस्पर्धा गरिरहेका छन् ।

कुल ५ लाख ४५ हजार पुरस्कार राशिको प्रतियोगिता विजेताले १ लाख, दोस्रोले ६५ हजार र तेस्रो हुनेले ४६ हजार प्राप्त गर्नेछन् । उत्कृष्ट २१ मा पर्ने व्यावसायिक खेलाडीले पनि नगद पुरस्कार प्राप्त गर्नेछन्‌ ।

प्रकाशित : चैत्र १४, २०७९ २१:२३
प्रतिक्रिया
पठाउनुहोस्
जनताको राय

माथिल्लो अरुण जलविद्युत् आयोजना निर्माणका लागि विश्व बैंकसँग सैद्धान्तिक सहमति जुटेपनि अहिले भारतले नै निर्माणका लागि चासो देखाएको छ । यसबारे तपाईंको के राय छ ?