नोभिस बक्सिङको तयारी

संघ र वाग्मती प्रदेश खेलकुद विकास परिषद्को संयुक्त आयोजनामा हुने प्रतियोगितामा २३ जिल्लाबाट ३७ क्लबका १ सय ७८ खेलाडीले प्रतिस्पर्धा गर्ने अध्यक्ष जोशीले बताए । त्यसमा २८ महिला खेलाडी हुने छन् । प्रतियोगितामा १७ देखि २१ वर्ष उमेरसम्मका खेलाडीले भाग लिन पाउने छन् । नोभिस प्रतियोगिता सहभागी खेलाडीको पहिलो औपचारिक प्रतिस्पर्धाको रूपमा रहनेछ । प्रतियोगितामा १६ तौल समूहमा प्रतिस्पर्धा हुनेछ । त्यसमा पुरुषमा ९ र महिलामा ७ तौल समूह रहेको छ ।

मकवानपुरका ७ खेलाडीले भाग लिनेछन् । तौल समूहका पहिलो, दोस्रो र तेस्रो हुने खेलाडीले क्रमशः १० हजार, ५ हजार र ३ हजार रुपैयाँ पुरस्कार प्राप्त गर्नेछन् । उत्कृष्ट महिला तथा पुरुष खेलाडी, उत्कृष्ट प्रशिक्षक, उत्कृष्ट टिम, उत्कृष्ट रेफ्री र उत्कृष्ट लुजरलाई जनही ३ हजारबाट पुरस्कृत गरिनेछ । राम्रो खेल्दाखेल्दै पनि हारेका एकजना खेलाडीलाई ‘वेस्ट लुजर’ मा पुरस्कृत गरिने अध्यक्ष जोशीले बताए ।

जिल्ला बक्सिङ संघका उपाध्यक्ष एवं हेटौंडा उपमहानगरपालिका–५ का वडाध्यक्ष सुशील घिमिरेले प्रत्येक दिनका म्यान अफ द म्याचलाई ३ हजार रुपैयाँ उपलब्ध गराउने बताए । बक्सिङका पूर्वअन्तर्राष्ट्रिय खेलाडीसमेत रहेका घिमिरेले मकवानपुरका २३ खेलाडीले राष्ट्रिय तथा अन्तर्राष्ट्रियस्तरको खेलमा पदक जितेको जानकारी गराए । पदक विजेता खेलाडीलाई प्रतियोगितामा सम्मान गरिने भएको छ ।