धनगढीमा सातौं एलपीएल सुरु

फाप्ला क्रिकेट मैदानमा टस जितेको सत्यवतीले २० ओभरमा ६ विकेट गुमाई १ सय २६ रन बनायो । लोटसले १७.३ ओभरमा सबै विकेट गुमाई ९८ रनमात्रै बनाउन सक्यो ।

लिटल फ्लावर स्पोर्ट्स एन्ड इभेन्टसको आयोजनामा फागुन ६ सम्म चल्ने प्रतियोगितामा कैलाली र कञ्चनपुरका १० विद्यालयको सहभागिता छ । प्रतियोगिताको सुदूरपश्चिमका प्रदेश प्रमुख देवराज जोशीले उदघाटन गरे । विजेताले २ लाख ५१ हजार १११ र उपविजेतालाई १ लाख २५ हजार ५२५ रुपैयाँ पुरस्कार पाउनेछन् ।

विद्यालयमा लुकेर रहेका क्रिकेट प्रतिभालाई बढीभन्दा बढी एक्सपोजर दिन तथा उमेर समूहको क्रिकेट विकास गर्ने उद्देश्यसहित प्रतियोगिता गरिएको आयोजकको भनाइ छ ।