कान्तिपुर वेबसाईट
AdvertisementAdvertisement
२६.१२°C काठमाडौं
काठमाडौंमा वायुको गुणस्तर: १८१

धनगढीमा सातौं एलपीएल सुरु

धनगढी — धनगढीमा विद्यालयस्तरीय यू–१९ राष्ट्रिय टी–२० क्रिकेट प्रतियोगिता लिटल फ्लावर प्रिमियर लिग (एलपीएल) को सातौं संस्करण शनिबार सुरु भएको छ । उदघाटन खेलमा साबिक विजेता सत्यवती एकेडेमी विजयीले लोटस आई सेकेन्डरी स्कुल अत्तरियालाई २८ रनले हरायो ।

फाप्ला क्रिकेट मैदानमा टस जितेको सत्यवतीले २० ओभरमा ६ विकेट गुमाई १ सय २६ रन बनायो । लोटसले १७.३ ओभरमा सबै विकेट गुमाई ९८ रनमात्रै बनाउन सक्यो ।

लिटल फ्लावर स्पोर्ट्स एन्ड इभेन्टसको आयोजनामा फागुन ६ सम्म चल्ने प्रतियोगितामा कैलाली र कञ्चनपुरका १० विद्यालयको सहभागिता छ । प्रतियोगिताको सुदूरपश्चिमका प्रदेश प्रमुख देवराज जोशीले उदघाटन गरे । विजेताले २ लाख ५१ हजार १११ र उपविजेतालाई १ लाख २५ हजार ५२५ रुपैयाँ पुरस्कार पाउनेछन् ।

विद्यालयमा लुकेर रहेका क्रिकेट प्रतिभालाई बढीभन्दा बढी एक्सपोजर दिन तथा उमेर समूहको क्रिकेट विकास गर्ने उद्देश्यसहित प्रतियोगिता गरिएको आयोजकको भनाइ छ ।

प्रकाशित : माघ २२, २०७९ ०६:४०
प्रतिक्रिया
पठाउनुहोस्
जनताको राय

सुदूरपश्चिममा नेकपा एकीकृत समाजवादी (एस) संघीय सत्ता गठबन्धनभन्दा फरक स्थानमा उभिनुको संकेत के हो ?