११.१२°C काठमाडौं
काठमाडौंमा वायुको गुणस्तर: १५८

रोहिणी अध्यक्ष कपको उपाधि १ नं वडालाई

सन्जु पौडेल

तिलोत्तमा — रोहिणी अध्यक्ष कप क्रिकेट प्रतियोगिताको उपाधि रोहिणी गाउँपालिका वडा नम्बर १ ले जितेको छ । फाइनल खेलमा रोहिणी–२ लाई ४९ रनले पराजित गर्दै रोहिणी–१ ले उपाधि जितेको हो । टस जितेर रोहिणी–२ ले बलिङ रोज्यो ।

रोहिणी अध्यक्ष कपको उपाधि १ नं वडालाई

सुरुमा ब्याटिङ गरेको रोहिणी–१ ले निर्धारित १६ ओभरमा ९ विकेट गुमाउँदै २ सय १९ रन बनायो । उसका लागि धिरुले ८५, अबरारले ४१ र सम्सादले २६ रनको योगदान गरे । बलिङमा रोहिणी–२ का आकाश, विनायक र सई मोहम्मदले २/२ विकेट लिए ।

जितका लागि २ सय २० रनको लक्ष्य पाएको रोहिणी–२ ले १६ ओभरमा ९ विकेटको क्षतिमा १ सय ७० रन बनायो । उसको लागि कमलले ५८, इन्जमामले ४० र पंकजले ३८ रनको योगदान गरे । बलिङमा रोहिणी–१ का धिरुले ३ र अफसरले २ विकेट लिए । प्रतियोगितामा धिरु म्यान अफ द म्यान अफ द सिरिज घोषित भए ।

प्रतियोगितामा प्रथम हुने टीमलाई ६० हजार र उपविजेता हुने टीमलाई ३० हजारसहित ट्रफी, मेडल र प्रमाणपत्र प्रदान गरिएको प्रतियोगिताका संयोजक रुपेश कुर्मीले बताए । त्यस्तै, सेमिफाइनलमा पुगेका दुइटा टीमलाई १५/१५ हजार रुपैयाँ प्रदान गरिएको कुर्मीले जानकारी दिए । प्रतियोगितामा गाउँपालिकाका-७ वटा वडाका ७ र एउटा कर्मचारीको टीम गरी ८ वटा टीमको सहभागिता थियो ।

प्रकाशित : माघ १४, २०७९ १५:५७
प्रतिक्रिया
पठाउनुहोस्
जनताको राय

नेपालको पासपोर्ट फेरि पनि विश्व वरीयतामा १०३ औं स्थानमा परेर खराब सूचिमै दर्ज भयो । स्तर उकास्न मुख्य रुपमा के गर्नुपर्छ ?