वाग्मती प्रदेशस्तरीय पुरुष भलिबलको उपाधि चितवनलाई

आयोजक नेपाल खेलकुद महासंघका अनुसार चितवनले २५–१८, २८–२५ र २५–१३ अंकले रामेछापलाई पराजित गरेको हो । विजेता टोलीले २ लाख रुपैयाँ नगद प्राप्त गरेको छ । द्वितीय हुने रामेछापले १ लाख रुपैयाँ प्राप्त गरेको छ । प्रतियोगितामा सिन्धुपाल्चोकले तेस्रो र धादिङले सान्त्वना स्थान हासिल गरेका थिए ।

चार दिनअघिदेखि सुरु भएको प्रतियोगितामा ललितपुर र भक्तपुरबाहेक वाग्मती प्रदेशका ११ वटा टिमको सहभागिता थियो ।