आईटीएफ यू–१८ टेनिस प्रतियोगितामा अभिलाषालाई स्वर्ण- खेलकुद - कान्तिपुर समाचार
कान्तिपुर वेबसाईट
AdvertisementAdvertisement

आईटीएफ यू–१८ टेनिस प्रतियोगितामा अभिलाषालाई स्वर्ण

कान्तिपुर संवाददाता

काठमाडौँ — नेपाली टेनिस खेलाडी अभिलाषा विष्टले आईटीएफ इस्लामाबाद जुनियर्स यू–१८ प्रतियोगिताको सर्किट १ मा शनिबार स्वर्ण जितेकी छन् । 

गर्ल्स डबल्स फाइनलमा अभिलाषाले रसियाकी एरिना भालिटिभासँग मिलेर रसियाकी एकातेरिना सुभोरोभ र पाकिस्तानकी जोहा असिमलाई पराजित गरिन् ।

गर्ल्स सिंगल्समा भने अभिलाषा दोस्रो भएको नेपाल टेनिस संघका सदस्य अजय विष्टले जनाएका छन् । फाइनलमा रसियाकी एरिनाले अभिलाषालाई हराइन् ।

पाकिस्तानमा भइरहेको प्रतियोगिताको ब्वाइज डबल्समा नेपालका आरभसम्राट हाडा र अकी जुवेन रावत दोस्रो भए । फाइनलमा नेपाली जोडी अमेरिकाका रोहन बेल्डे र एलेक्जेन्डर कर्मानसँग पछि परे ।

नोभेम्बर २३ देखि सुरु प्रतियोगितामा रसिया, स्पेन, अमेरिका, नेपाल, पकिस्तान, ग्रेट ब्रिटेन, अस्ट्रेलिया र जापानको सहभागिता रहेको सदस्य बिष्टले जानकारी गराए । सर्किट– २ सोमबारदेखि सुरु हुनेछ ।

प्रकाशित : मंसिर १३, २०७७ १७:२०
प्रतिक्रिया
पठाउनुहोस्

२४ घण्टामा उपत्यकामा थपिए ६ सय ४५ कोरोना संक्रमित

कान्तिपुर संवाददाता

काठमाडौँ — काठमाडौं उपत्यकामा पछिल्लो २४ घण्टामा ६ सय ४५ जना कोरोना संक्रमित थपिएका छन् । संक्रमित हुनेमा २ सय ८५ महिला र ३ सय ६० पुरुष रहेको स्वास्थ्य तथा जनसंख्या मन्त्रालयले शनिबार जानकारी दिएको छ । 

काठमाडौंमा ४ सय ८५, भक्तपुरमा ३६ र ललितपुरमा १ सय २४ जनामा कोरोना संक्रमित थपिएका छन् ।

देशभर भने पछिल्लो २४ घण्टामा १३ सय ८० जनामा कोरोना संक्रमण पुष्टि भएको छ । सोही अवधिमा ५ सय १५ जना कोरोनामुक्त र १९ जनाको ज्यान गएको स्वास्थ्य तथा जनसंख्या मन्त्रालयले जनाएको छ ।

२४ घण्टामा ९ हजार ३ सय ६८ पीसीआर परीक्षण भएका छन् ।

प्रकाशित : मंसिर १३, २०७७ १७:०९
पूरा पढ्नुहोस्
प्रतिक्रिया
पठाउनुहोस्
×