आईपीएल : हैदरावादले कायम राख्यो आफ्नो सम्भावना- खेलकुद - कान्तिपुर समाचार

आईपीएल : हैदरावादले कायम राख्यो आफ्नो सम्भावना

कान्तिपुर संवाददाता

दुबई — इन्डियन प्रिमियर लिगमा सनराइज हैदरावादले मंगलबार दिल्ली क्यापिटल्सलाई ८८ रनले हराएर आफ्नो सम्भावना कायम राखेको छ ।

हैदरावादको १० अंक भएको छ र उसको ‘प्ले अफ’ मा छनोट हुने सम्भावना कायम रह्यो ।

दिल्लीको सामना गर्दा हैदरावादसामु जित बाहेक अर्को विकल्प थिएन र टिमले त्यसै अनुसार खेलेको थियो । पहिले ब्याटिङ गरेको हैदरावादले २० ओभरमा दुई विकेट गुमाएर २ सय १९ रन बनाएको थियो ।

कप्तान डेविड वार्नर र रिद्दीमान शाहले दिल्लीलाई आक्रमक र मबजुत सुरुआत दिलाए । वार्नरले ६६ रन बनाए भने शाहले सर्वाधिक ८७ रनको योगदान दिए ।

जवाफमा दिल्लीले १९ ओभरमा सबै विकेट गुमाउन अगाडि १ सय ३१ रन मात्र बनाउन सक्यो । उसका लागि कसैले पनि ब्याटबाट गतिलो योगदान दिन सकेनन् । दिल्ली १४ रनसहित तेस्रो स्थानमा रहेको छ ।

प्रकाशित : कार्तिक १२, २०७७ ०८:०९
प्रतिक्रिया
पठाउनुहोस्

गैंडाकोटका कोरोना संक्रमितको भरतपुरमा मृत्यु

नारायण शर्मा

नवलपरासी — गैंडाकोटका एक कोरोना संक्रमित पुरुषको भरतपुरमा मृत्यु भएको छ । चितवन मेडिकल कलेजमा उपचाररत गैंडाकोट नगरपालिका–२ का ५४ वर्षीय एक पुरुषको मृत्यु भएको हो ।

गैंडाकोट नगरपालिकाका मेयर छत्र पौडेलका अनुसार श्वासप्रश्वासको समस्या भएका ती पुरुषलाई कात्तिक ३ गते चितवन मेडिकल कलेजमा भर्ना गरिएको थियो ।

अस्पतालमा गरिएको परीक्षणमा उनलाई कात्तिक ४ गते कोरोना संक्रमण पुष्टि भएको हो । उनको मंगलबार साँझ मृत्यु भएको छ । यी समेत पूर्वी नवलपरासीमा कोरोना संक्रमणवाट मृत्यु हुनेको संख्या १९ पुगेको छ । जिल्लामा बुधबारसम्म १६ सय ९ जनामा कोरोना संक्रमण देखिएको छ ।

प्रकाशित : कार्तिक १२, २०७७ ०८:०४
पूरा पढ्नुहोस्
प्रतिक्रिया
पठाउनुहोस्
×