रोनाल्डोको दुई गोलमा युभेन्टसले रोमालाई बराबरीमा रोक्यो
रोम — क्रिस्टियानो रोनाल्डोले गरेको दुई गोलले १० खेलाडीमा सीमित युभेन्टसले आइतबार इटालीको सिरी ‘ए’ मा एएस रोमालाई २–२ को बराबरीमा रोक्यो ।
रोमाले जोर्डन भेरेटोउटको दुई गोलमा दुई पल्ट अग्रता लिएको थियो । दुवै अवसरमा रोनाल्डोले बराबरी गोल फर्काए । भेरेटाउट र रोनाल्डो दुवैले एक-एक गोल पेनाल्टीबाट गरे ।
युभेन्टसका मिडफिल्डर एड्रियन रेबियट दोस्रो पहेँलो कार्डसँगै मैदान छाड्न बाध्य रहे र युभेन्टस दस खेलाडीमा सीमित रह्यो । युभेन्टसको दुई खेलबाट चार अंक भएको छ ।
यसअघि नेपोलीले जेनोआलाई ६–० र एसी मिलानले क्रोटोनेलाई २–० ले हराएको थियो ।
तस्बिर : रोयटर्स
प्रकाशित : आश्विन १२, २०७७ ०८:०१प्रतिक्रिया