साल्केविरुद्ध बायर्नको आठ गोल
म्युनिक — बायर्न म्युनिकले शुक्रबार जर्मन बुन्डेसलिगाको नयाँ सिजनमा सनसनीपूर्ण विजयी सुरुवात गरेको छ । उसले सेर्गे जिनाब्रीको ह्याट्रिकमा साल्कालाई ८–० ले हरायो । त्यसमा डेब्यु गरिरहेका लेरोय सानेले पनि गोल गरे ।
यस्तै रोबर्ट लेवनडोस्की, लियोन गोरेटेज्का, थोमस मुलर र जमल मुसिलाले पनि गोल गरे । अन्य प्रतिद्वन्द्वी टिमका लागि गत सिजन तीन उपाधि जितेको बायर्नका तर्फबाट आफू कति बलियो छ भन्ने चेतावनी पनि रह्यो ।
बुन्डेसलिगाको पहिलो दिन कुनै पनि टिमले प्राप्त गरेको यो अहिलेसम्मकै सबैभन्दा ठूलो जित हो । जनवरीयता लिगमा लगातार १७ खेलमा जितहीन रहेको साल्का बायर्नविरुद्ध निरिह जस्तै देखियो ।
युरोपेली च्याम्पियन्स लिग जितेको बायर्नले गत सिजन जर्मन घरेलु फुटबलका दुवै उपाधि लिग र कप पनि जितेको थियो । उसले साल्कामाथिको जितमा त्यो लय अझै कायम रहेको देखाएको थियो ।
प्रकाशित : आश्विन ३, २०७७ ०७:०९