इंग्ल्यान्डले जित्यो दोस्रो वान डे, शृंखला बराबरीमा
म्यानचेस्टर — इंग्ल्यान्डले आइतबार अस्ट्रेलियाविरुद्धको दोस्रो वान डे जित्दै शृंखला १–१ को बराबरीमा ल्याएको छ । वान डे विश्व च्याम्पियनले पहिले ब्याटिङ गर्दै ९ विकेटमा बनाएको २ सय ३१ रनको पनि रक्षा गरेको थियो ।
मध्यम लक्ष्य पछ्याएको अस्ट्रेलिया ४८.४ ओभरमा अलआउट भएको थियो र यससँगै इंग्ल्यान्डको २४ रनको जित सम्भव भएको हो । जित लक्ष्य पछ्याइरहेको अस्ट्रेलिया एक समय २ विकेट मात्र गुमाउँदा १ सय ४४ रनको स्थितिमा थियो ।
त्यसयता इंग्ल्यान्डका लागि क्रिस वक्स र जोफ्रा आर्चरले घातक बलिङ गरे र अस्ट्रेलिया नाटकीय पतनको शिकार बन्यो । पाहुना टिमले २१ बलमा ३ रन मात्र बनाएर ४ विकेट गुमाएको थियो ।
प्रकाशित : भाद्र २९, २०७७ ०७:०७प्रतिक्रिया
