लेवरकुसनलाई हराएर इन्टर युरोपा लिगको अन्तिम चारमा

निकोलो बारेलाले १५ औं मिनेटमा इन्टरलाई सुरुवाति अग्रता दिलाए । त्यसको ६ मिनेटपछि बेल्जियमका खेलाडी लुकाकुले दोस्रो गोल थपे । जर्मन टिमका लागि काइ हारभटेजले एक गोल फर्काए ।

लुकालुले युरोपा लिगमा लगातार नवौं खेलमा गोल गरेका हुन् र उनी यस्तो उपलब्धि हात पार्ने पहिलो खेलाडी हुन् । अब अन्तिम चारमा इन्टरको प्रतिद्वन्द्वी मंगलबार साख्तर डोनेस्क र एफसी बासेलबीच खेलले निर्धारण गर्नेछ ।