रोनाल्डोले दुई गोल गरे पनि पनि युभेन्टस च्याम्पियन्स लिगबाट बाहिरियो

पहिलो लेगमा फ्रान्सेली टिम १–० ले विजयी रहेको थियो । दुई टिमबीचको टाइ २–२ को बराबरी रहेको स्थितिमा लियोन ‘अवे गोल’ को आधारमा अन्तिम आठमा पुग्न सफल रहेको हो । अब उसले म्यानचेस्टर सिटीको सामना गर्नेछ ।

लियोनले दोस्रो लेगमा मेमफिस डेपेले १२ औं मिनेटमा पेनाल्टीबाट गरेको गोल मदतले अग्रता लिएको थियो । त्यस स्थितिमा क्वाटरफाइनल पुग्न इटालीको च्याम्पियन टिमलाई तीन गोलको आवश्यकता थियो ।

_{तस्बिर : रोयटर्स}

रोनाल्डोले यसका लागि पूरा प्रयास गरे पनि सकेनन् । उनले सुरुमा पेनाल्टीबाट एक गोल गरे र पछि ६० औं मिनेटमा दोस्रो व्यक्तिगत गोल पनि थपे ।