इंग्ल्यान्डको कठिन जित

एजेन्सी

साउथह्याम्पटन — इंग्ल्यान्डले दोस्रो वान डेमा शनिबार आयरल्यान्डलाई चार विकेटले हरायो र सिरिजमा निर्णायक २–० को अग्रता पनि लिएको छ । तर यो जितका लागि इंग्ल्यान्डले संघर्ष भने गर्नु परेको थियो ।

जितका लागि २ सय १३ रनको लक्ष्य पछ्याइरहेको इंग्ल्यान्डले जोनी बियरस्टोको ८२ रनको मदतले आक्रमक सुरुआत पनि लिएको थियो । तर उनीसँगै कप्तान इओन मोर्गन र मोइन अलि आउट भएपछि इंग्ल्यान्ड दबाबमा आएको थियो ।

त्यसयता साम बिलिङ्स र डेविड विलीबीचको ७९ रनको साझेदारीका कारण इंग्ल्यान्ड १७.३ ओभरको खेल अगाडि नै जितसम्म पुग्न सफल रह्यो ।

प्रकाशित : श्रावण १८, २०७७ ०८:०९
प्रतिक्रिया
पठाउनुहोस्

रोनाल्डो बिनाको युभेन्ट्स पराजित

एएफपी

टुरिन — युभेन्ट्सले इटालीको सिरी ए मा शनिबार लगातार दोस्रो हार बेहोरेको छ । सिजनको आफ्नो अन्तिम लिग खेलमा क्रिस्टियानो रोनाल्डो बिना मैदानमा उत्रेको युभेन्ट्स रोमासँग ३–१ ले पराजित भएको हो ।

औपचारिक महत्त्व नभएको हुनाले रोनाल्डोलाई यो खेलमा आराम दिइएको थियो । युरोपेली च्याम्पियन्स लिग सुरु हुन ठीक अगाडि युभेन्ट्सले आफ्नो लय गुमाएको हो ।

यसअघि नै लगातार नवौं पल्ट लिग उपाधि जितिसकेको युभेन्ट्सले शुक्रबार अन्तिम १६ मा लियोनविरुद्ध खेल्दैछ र त्यस अन्तिम १६ को खेलमा युभेन्ट्स १–० ले पछाडि छ ।

शनिबारकै अर्को खेलमा इन्टर मिलानले एटलान्टालाई २–० ले हरायो र लिगको दोस्रो स्थानमा रहने निश्चित गर्‍यो । एटलान्टा जनवरीयता लिगमा पराजित भएको यो पहिलो पल्ट हो ।

यस्तै अर्को खेलमा लाजियो नेपोलीसँग ३–१ ले पराजित रह्यो । हारका बावजुत लाजियोका त्यसमा एक गोल गरेका सिरो इमोबिल लिगका सर्वाधिक गोलकर्ता गरे । उनले ३६ गोल गरे ।

प्रकाशित : श्रावण १८, २०७७ ०८:०१
पूरा पढ्नुहोस्
प्रतिक्रिया
पठाउनुहोस्
×