इन्टर बराबरीमा रोकियो
रोम — इन्टर मिलान इटालीको सिरी एमा बिहीबार २–२ को बराबरीमा रोकिएको छ । यो नतिजापछि एन्टोनियो कोन्टेको टिम अंक–तालिकाको तेस्रो स्थानमा उक्लिन असफल रह्यो ।
दोस्रो हाफमा फेडरिको मिमारर्कोले आत्मघाती गोल गरेपछि इन्टरले एकै अंकमा चित्त बुझाउनुपरेको हो । भेरोनाले २८ वर्षयता इन्टरलाई हराउन भने सकेको छैन ।
चौथो स्थानमा रहेको इन्टरको च्याम्पियन्स लिगमा छनोट हुने सम्भावना बलियो छ । बिहीबारको अर्को खेलमा युडिनेजीले अन्तिम स्थानको स्पाललाई ३–० ले हरायो ।
प्रकाशित : असार २६, २०७७ ०६:५५प्रतिक्रिया
