इंग्लिस प्रिमियर लिगमा वाटफोर्डको संघर्ष कमजोर हुँदै
लन्डन — रेलिगेसनबाट बच्न संघर्षरत वाटफोर्डले आइतबार ठूलो धक्का बेहोरेको छ । ड्यानी इन्गसको दुई गोलको मद्दतले इंग्लिस प्रिमियर लिगमा साउथह्याम्पटनले वाटफोर्डलाई ३–१ ले हरायो ।
साउथह्याम्पटनले १६औं मिनेटमा इन्गसको गोलले अग्रता लिएको थियो । त्यसयता खेल उसैको नियन्त्रणमा रह्यो । यो जितपछि साउथह्याम्पटनको ४० अंकका साथ १३औं स्थानमा उक्लेको छ ।
वाटफोर्ड भने २८ अंकमा १६औं स्थानमा कायम रह्यो । यो रेलिगेसन क्षेत्रबाट एक स्थान मात्रै अगाडि हो । पुछारबाट तेस्रो स्थानमा रहेको बर्नमाउथको २७ अंक छ । उसले एक खेल कम खेलेको छ ।
प्रकाशित : असार १५, २०७७ ०७:२३प्रतिक्रिया
