बायर्न लिग उपाधि जित्न एक खेल मात्र टाढा- खेलकुद - कान्तिपुर समाचार

बायर्न लिग उपाधि जित्न एक खेल मात्र टाढा

एएफपी

बर्लिन — बायर्न म्युनिख लगातार आठौं जर्मन बुन्डेसलिगा उपाधिबाट अब एक खेल मात्र टाढा छ । शनिबार रातिको खेलमा उसले बोरुसिया मुन्छेनग्लाडबाखलाई २–१ ले हरायो । खेलको अन्त्यतिर लियोन गोरट्ज्काले निर्णायक गोल गरे ।

बायर्नले किशोर स्ट्राइकर जोसुआ जिरकिजको गोलले अग्रता लिए यता बेन्जामिन पाभर्डले आत्मघाती गोल गरेका थिए । बायर्न रोबर्ट लेवनडोस्की र थोमस मुलरविना मैदानमा उत्रेको थियो । तर उनीहरूको अनुपस्थिति महँगो साबित भएन ।

यो जितपछि बायर्नले लिग तालिकाको शीर्ष स्थानमा फेरि सात अंकको अग्रता खोलेको छ । लिगमा तीन चरणका खेल बाँकी छँदा बोरुसिया डर्टमन्ड दोस्रो स्थानमा छ । शनिबार रातिको अर्को खेलमा डर्टमन्डले फोर्टुना डुसलफोर्डलाई १–० ले हराएको थियो ।

प्रकाशित : जेष्ठ ३२, २०७७ ०७:४५
प्रतिक्रिया
पठाउनुहोस्

लाइपजिग तेस्रो स्थानमा बलियो

एएफपी

बर्लिन — डानी ओल्मोले दुई मिनेटमा दुई गोल गरेपछि जर्मन बुन्डेसलिगामा आरबी लाइपजिगले होफेनहाइमलाई शुक्रबार राति २–० ले हराएको छ ।

यो जितपछि तेस्रो स्थानमा रहेको लाइपजिगले आफूमाथिको बोरुसिया डर्टमन्डसँगको दूरी एक अंकमा छोट्याएको छ ।

लाइपजिगको अब ६२ अंक भएको छ । यससँगै टोलीलाई लिगमा तीन चरण मात्र बाँकी रहेका बेला अर्को सिजनको युरोपेली च्याम्पियन्स लिगका लागि सजिलै छनोट हुने स्थिति बनेको छ ।

यसपल्ट पनि उसले क्वार्टरफाइनल यात्रा तय गरिसकेको छ । उसका लागि स्पेनी मिडफिल्डर ओल्मोले ९ र ११ मिनेटमा गोल गरे ।

प्रकाशित : जेष्ठ ३१, २०७७ ०७:२९
पूरा पढ्नुहोस्
प्रतिक्रिया
पठाउनुहोस्
×