मुन्छेनग्ल्याडबाखलाई फ्राइबर्गको धक्का
म्युनिख — बोरुसिया मुन्छेनग्ल्याडबाख जर्मन बुन्डेसलिगामा फ्राइबर्गसँग १–० ले पराजित हुन पुगेको छ । युरोपेली च्याम्पियन्स लिग छनोटको प्रयासमा रहेको टोलीका लागि यो हार ठूलो धक्का हो ।
सन् १९८४ यता सबैभन्दा राम्रो प्रदर्शन गरिरहेको मुन्छेनग्ल्याडबाख हारका बावजुद चौथो स्थानमा छ । उसको ५६ अंक छ । तर उसलाई बायार लेबरकुसनले उछिन्न सक्नेछ ।
लिगमा चार चरणका खेल मात्र बाँकी रहेको बेला प्राप्त यो जितले फ्राइबर्गको अर्को सिजन युरोपा लिग खेल्ने सम्भावना भने बलियो भएको छ । उसका लागि निल्स प्रिस्टनले ५८औं मिनेटमा निर्णायक गोल गरे ।
प्रकाशित : जेष्ठ २४, २०७७ ०७:४५प्रतिक्रिया
