मुन्छेनग्ल्याडबाखलाई फ्राइबर्गको धक्का

एएफपी

म्युनिख — बोरुसिया मुन्छेनग्ल्याडबाख जर्मन बुन्डेसलिगामा फ्राइबर्गसँग १–० ले पराजित हुन पुगेको छ । युरोपेली च्याम्पियन्स लिग छनोटको प्रयासमा रहेको टोलीका लागि यो हार ठूलो धक्का हो ।

सन् १९८४ यता सबैभन्दा राम्रो प्रदर्शन गरिरहेको मुन्छेनग्ल्याडबाख हारका बावजुद चौथो स्थानमा छ । उसको ५६ अंक छ । तर उसलाई बायार लेबरकुसनले उछिन्न सक्नेछ ।

लिगमा चार चरणका खेल मात्र बाँकी रहेको बेला प्राप्त यो जितले फ्राइबर्गको अर्को सिजन युरोपा लिग खेल्ने सम्भावना भने बलियो भएको छ । उसका लागि निल्स प्रिस्टनले ५८औं मिनेटमा निर्णायक गोल गरे ।

प्रकाशित : जेष्ठ २४, २०७७ ०७:४५
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

सामाजिक न्याय र समानताका लागि माइकल जोर्डनले १० करोड डलर सहयोग गर्ने

एजेन्सी

न्युयोर्क — माइकल जोर्डनले अमेरिकामा सामाजिक न्याय र समानताका लागि संघर्ष गर्नका लागि १० करोड डलर सहयोग गर्ने शुक्रबार घोषणा गरेका छन् ।

एनबीए लेजेन्ड जोर्डन उनको ब्रान्डले जारी गरेको प्रेस विज्ञप्तिअनुसार अबको १० वर्षमा यो रकम खर्च गरिनेछ । रंगभेदी व्यवहारविरुद्ध सामाजिक न्याय र समानताका लागि लडिरहेका संस्थाले यो सहयोग रकम पाउने छन् ।

खेलकुद क्षेत्रबाट कुनै पनि गैर नाफामूलक संस्थाले दिन लागेको यो अहिलेसम्मकै सबैभन्दा ठूलो आर्थिक सहयोग हो । जोर्डनलाई विश्व बास्केटबलकै अहिलेसम्मकै सबैभन्दा ठूला र सफल खेलाडी मानिन्छ ।

प्रहरीको हातबाट एक अश्वेतको मृत्यु भएपछि अमेरिकामा चलिरहेको साता लामो प्रदर्शनबीच यो सहयोग घोषणा अगाडि आएको हो । जर्ज फ्लोयडको प्रहरी नियन्त्रणमै निर्ममतापूर्वक मे २५ मा मृत्यु भएको थियो ।

प्रकाशित : जेष्ठ २४, २०७७ ०७:४१
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
×