ब्रेमनलाई रेलिगेसनको तनाव- खेलकुद - कान्तिपुर समाचार

ब्रेमनलाई रेलिगेसनको तनाव

एएफपी

बर्लिन — जर्मन बुन्डेसलिगामा अस्तित्व बचाउन संघर्षरत भेरडाआ ब्रेमनलाई बुधबार ठूलो धक्का लागेको छ । टोली घरेलु मैदानमा आइन्ट्राख्ट फ्रान्कफर्टबाट ३–० ले पराजित रह्यो ।

बुन्डेसलिगाको माथिल्लो डिभिजनमा सबैभन्दा बढी सिजन बिताउने कीर्तिमान ब्रेमनको नाममा छ तर पछिल्लो हारपछि क्लब अंकतालिकाको पुछारबाट दोस्रो स्थानमा छ ।

ब्रेमन सुरक्षित स्थानबाट अझै तीन अंक टाढा छ । लिगमा अब ६ चरणका खेल बाँकी छन् । फ्रान्कफर्टको जितमा आन्द्रे सिल्भाले सुरुआती गोल गरेयता स्टाफान इसन्करले दुई गोल थपे ।

प्रकाशित : जेष्ठ २२, २०७७ ०७:१९
प्रतिक्रिया
पठाउनुहोस्

लाइपजिग फेरि तेस्रो स्थानमा

एएफपी

म्युनिख — लाइपजिगले सोमबार राति जर्मन बुन्डेसलिगामा कोल्नमाथि ४–२ को रोमाञ्चक जित निकालेको छ । यससँगै टोली फेरि अंक तालिकाको तेस्रो स्थानमा उक्लिन सफल रह्यो ।

कोल्नले सुरुआती अग्रता लिए पनि लाइपजिगले ३७ मिनेटको अन्तरमा चार गोल गरेको हो । तीमध्ये एक गोल टिमो वार्नरको नाममा रह्यो ।

उनले सबैखाले प्रतियोगितामा गरेको यो ३१औं गोल हो । यस जितपछि लाइपजिग अंकतालिकामा बोरुसिया मुन्छेनग्ल्याडबाख र बायार लेवरकुसनलाई पछाडि छोड्न सफल रह्यो ।

यो जितले लाइपजिगको अर्को सिजन युरोपेली च्याम्पियन्स लिगमा छनोट हुने सम्भावना पनि बलियो भएको छ ।

प्रकाशित : जेष्ठ २०, २०७७ ०७:२८
पूरा पढ्नुहोस्
प्रतिक्रिया
पठाउनुहोस्
×