बायर्नको पाँच गोल, ४ अंकको अग्रतासहित शीर्ष स्थानमा

एजेन्सी

म्युनिख — दोस्रो हाफमा गरेको उत्कृष्ट पुनरागमनले बायर्न म्युनिखले इनट्राच्ट फ्र्या‌ंकफर्टलाई शनिबार राति ५–२ ले हरायो र बुन्डेसलिगामा फेरि चार अंकको अग्रता बनाएको छ । बायर्न ६१ अंकसहित शीर्ष स्थानमा रहेको छ भने डर्टमन्ड ५७ अंकसहित दोस्रो स्थानमा रहेको छ ।

अब मंगलबारको खेलमा बायर्नले दोस्रो स्थानमा रहेको बोरुसिया डर्टमन्डको सामना गर्नेछ । लियोन गोरेट्ज्का, रोबर्ट लेवनडोस्की र थोमस मुलरको गोलले बायर्नले सुरुमा तीन गोलको अग्रता लिएको थियो ।

एलिनाज एरिनामा भएको खेलमा फ्रायन्कफर्टले मार्टिन हिन्टरेगरको दुई गोलमा खेलमा फर्कने प्रयास गरेको थियो । त्यसयता एलफान्सो डेभिस बायर्नका लागि चौथो गोल गरे । पाँचौं गोल हिन्टरेगरको नाममा आत्मघाती रह्यो र उनले अपेक्षा नगरेको ह्याट्रिक गरे ।

यसअघि डर्टमन्डले उल्भ्सबर्गलाई २–० ले हराएर बायर्नमाथि दबाब सिर्जना गरेको थियो । डर्टमन्डका लागि राफेल गुरेरो र आकरफ हाकिमीले गोल गरे । शनिबारको अर्को महत्त्वपूर्ण खेलमा बायर लेभरकुजनले बोरुसिया मोन्चेनग्लायडब्याकलाई ३–१ ले हरायो र तेस्रो स्थान कब्जा गर्‍यो ।

यो जितपछि लेभरकुजनको ५३ अंक भएको छ । हारले मोन्चेनग्लायडब्याक भने ५२ अंकमा चौथो स्थानमा झरेको छ । अन्य खेलमा वेडर ब्रेमनले फ्रेइबर्गलाई १–० ले हरायो । एससी पाडेरबर्ग ०७ र होफनहायनले १–१ को बराबरी खेले ।

प्रकाशित : जेष्ठ ११, २०७७ ०६:३०
प्रतिक्रिया
पठाउनुहोस्

भारतमा एकै दिनमा सवा लाखको परीक्षण

(एजेन्सी)

नयाँदिल्ली — भारतमा पछिल्लो २४ घण्टामा झन्डै सवा लाख मानिसको कोरोना परीक्षण गरिएको छ । अधिकारीहरुले दिएको जानकारीअनुसार एकै दिनमा १ लाख १५ हजार ३ सय ६४ जनाको परीक्षण गरिएको छ ।

भारतको स्वास्थ्य अनुसन्धान परिषद्का अनुसार हालसम्म देशभर कूल २८ लाख ३४ हजार ७ सय ९८ जनामा परीक्षण गरिसकिएको छ । परिषद्का अनुसार शनिबार सबैभन्दा धेरै संक्रमति भेटिएका छन् । शनिबार ६ हजार ६ सय ५४ जनामा भाइरसको संक्रमण पुष्टि भएको हो । योसँगै भारतमा भाइरसबाट संक्रमित हुनेको संख्या १ लाख २५ हजार नाघेको छ ।

केन्द्रीय स्वास्थ्य तथा परिवार कल्याण मन्त्रालयका अनुसार पछिल्लो २४ घण्टामा भाइरसका कारण १ सय ३७ जनाले ज्यान गुमाएका छन् । भारतमा कोभिड १९ का कारण मृत्यु हुनेको संख्या ३ हजार ७ सय २० पुगेको छ । मन्त्रालयका अनुसार ५१ हजार ७ सय ८४ जना निको भइसकेका छन् ।

प्रकाशित : जेष्ठ ११, २०७७ ००:३७
पूरा पढ्नुहोस्
प्रतिक्रिया
पठाउनुहोस्
×