स्कटल्यान्डमा सेल्टिक लिग च्याम्पियन घोषित

कोरोना भाइरस संक्रमणको महामारीका कारण लिग स्थगितको स्थितिमा थियो । लिगमा आठ चरणको खेल बाँकी छँदा मार्चमा संक्रमणका कारण अगाडि बढ्न सकेको थिएन ।

दोस्रो स्थानमा रहेको रेन्जर्ससामु मात्र सेल्टिकलाई पछ्याउन सक्ने अवसर थियो । लिग सुचारु भएको भए सेल्टिक र रेन्जर्सबीच दुईपल्ट खेल्न बाँकी थियो ।

लिगका प्रत्येक खेलमा क्लबले हात पारेका औसत अंकको आधारमा लिगको अन्तिम तालिका पनि निर्धारण गरिएको छ । त्यसअनुसार हार्ट रेलिगेसनमा परेको छ । गत साता भएको क्लबबीचको बैठकमा प्रतियोगितालाई थप नलम्ब्याउन निर्णय भएको थियो ।