स्टोक्स विजडनको उत्कृष्ट खेलाडी
लन्डन — बेन स्टोक्स विजडनको वर्षको उत्कृष्ट क्रिकेट खेलाडी बुधबार घोषित भएका छन् । यसअघि लगातार तीन वर्ष विजेता रहेका विराट कोहलीलाई उछिनेर स्टोक्स सन् २०२० का सबैभन्दा प्रभावशाली खेलाडी चुनिएका हुन् ।
विजडनले अलराउन्डरका रूपमा उनको प्रदर्शनलाई ऐतिहासिक मानेको छ । सन् २००५ मा एन्ड्रयु फ्लिन्टफ उत्कृष्ट चुनिएयता यो उपलब्धी हात पार्ने स्टोक्स पहिलो इंग्लिस खेलाडी हुन् ।
न्युजिल्यान्डविरुद्धको वान डे विश्वकप फाइनलमा म्यान अफ द म्याच रहेका स्टोक्सले अस्ट्रेलियाविरुद्धको तेस्रो ऐसेज टेस्टमा पनि अपूर्व विजयी इनिङ्स खेलेका थिए ।
प्रकाशित : चैत्र २७, २०७६ ०७:५७प्रतिक्रिया