राइनो कपको उपाधि आर्मीलाई
नवलपरासी — त्रिभुवन आर्मी क्लबले राइनो कपको उपाधि जितेको छ । पूर्वी नवलपरासीको कोल्हुवामा बुधबार सम्पन्न फाइनल खेलमा पुलिसलाई १–० गोल अन्तरले हराउँदै आर्मीले उपाधि जितेको हो ।
आर्मीका लागि सुदिल राईले निर्णायक गोल गरे । पहिलो हाफको ५ मिनेटमा गोल गरेको आर्मीले प्रतियोगिता अवधिभर पुलिसमाथि दबाबमा राख्न सफल भयो । प्रतियोगिताको म्यान अफ द म्याच पनि राई नै भए ।
जितसँगै आर्मीले नगद १० लाख रुपैयाँ पायो । उपविजेतामा सिमित पुलिसले ५ लाखमा चित्त बुझायो ।
पुलिसका बुद्धबल तामाङ सर्वाधिक गोलकर्ता,म्यान अफ द सेरिज सुमन अर्याल बने । उनीहरुले जनही २० हजार नगद पुरस्कार प्राप्त गरे ।
मध्यबिन्दु नगरपालिका–४ मा फागुन ५ गतेदेखि गैंडा संरक्षण जोगाऔं भन्ने नाराका साथ प्रतियोगिता सञ्चालन गरिएको थियो ।
राइनो क्लबले आयोजना गरेको प्रतियोगितामा विभागीय टिमसहित १० वटा क्लबहरुले सहभागिता जनाएका थिए ।
प्रकाशित : फाल्गुन १४, २०७६ १९:३७