राइनो गोल्डकप : पुलिस फाइनलमा
नवलपरासी — पूर्वी नवलपरासीको कोल्हुवामा जारी राइनो संरक्षण गोल्डकप फुटबलमा मंगलबार नेपाल पुलिस क्लब फाइनलमा पुगेको छ । पुलिसले च्यासल युथ क्लबलाई २–० ले पराजित गर्दै उपाधिमाथि दाबेदारिता जमाएको हो ।
पुलिसका बुद्धिबल तामाङ एक्लैले २ गोल गरेका हुन । उनले ४३ औं र ७४ औं मिनेटमा गोल गरेका थिए । उनी नै म्यान अफ द म्याच घोषित भए । उनले ५ हजार रुपैयाँ हात पारे । खेलको सुरुदेखि नै पुलिसले च्यासललाई लगातार दबाबमा राखेको थियो ।
मध्यविन्दु नगरपालिका–४ स्थित राइनो फुटबल मैदानमा बुधबार पुलिस र आर्मीबीच फाइनल हुने संयोजक दोमन भण्डारीले बताए ।
प्रकाशित : फाल्गुन १३, २०७६ २१:१९प्रतिक्रिया
