लिभरपुलको अग्रता १६ अंक
लन्डन — इंग्लिस प्रिमियर लिगमा लिभरपुलको अग्रताले आइतबार राति १६ अंक छोएको छ । यसका लागि लिभरपुलले म्यानचेस्टर युनाइटेडलाई २–० ले हरायो । म्यानचेस्टरमाथि लिभरपुललाई ३० अंकको अग्रता प्राप्त छ ।
एनफिल्डमा प्राप्त जितमा भर्जिल भान डाइक र मोहम्मद सलाहले गोल गरे । अक्टोबरमा म्यानचेस्टरसँग बराबरीमा रोकिएयता लिभरपुलको यो लगातार १३ औं जित हो ।
यो जितले ३० वर्षयता पहिलो पल्ट लिग उपाधि जित्ने लिभरपुलको अभियान अझ बलियो भएको छ । म्यानचेस्टर भने शीर्ष स्थानबाट चार अंकको दूरीमा पाँचौंमा रह्यो ।
प्रतिक्रिया