ट्वान्टी–२० विश्वकपका लागि अन्तर्राष्ट्रिय क्रिकेटमा फर्कन चाहन्छन् डी भिलियर्स

उनले आफ्नो १४ वर्ष लामो करियरलाई पूर्णविराम लगाउने क्रममा थाकेको दाबी गरेका थिए । आफ्नो खेलजीवनमा उनलाई विश्व क्रिकेटकै सबैभन्दा उत्कृष्ट खेलाडीमध्ये एक मानिएको थियो । गत वर्ष एकदिवसीय विश्वकपका लागि पनि डी भिलियर्सले आफ्नो उपलब्धताबारे जानकारी दिएका थिए ।

तर दक्षिण अफ्रिकी पदाधिकारीले उनको यो उपलब्धताको सूचना निकै ढिला मात्र आएको र उनलाई रोज्दा यसअघिदेखि खेलिरहेका खेलाडीलाई अन्याय हुने बताउँदै डी भिलियर्सलाई रोज्न अस्वीकार गरेको थियो । ३५ वर्षे खेलाडीले ट्वान्टी–२० विश्वकप सुरु हुन पर्याप्त समयअगाडि नै आफ्नो मनसाय खुलाएका छन् ।

‘टिममा मेरो छनोट अगाडि धेरे प्रक्रिया पूरा हुन बाँकी छ,’ उनले ब्रिसबेन हिटका लागि बिग बासमा खेल्दै भनेका छन्, ‘तर म पक्कै पनि दक्षिण अफ्रिका लागि फेरि एकपल्ट खेल्न चाहन्छु ।’