भारतमाथि अस्ट्रेलियाको एकपक्षीय जित

एजेन्सी

मुम्बई — अस्ट्रेलियाको पहिलो डे नाइट वान डेमा मंगलबार भारतलाई एकपक्षीय रूपमा १० विकेटले पराजित गरेको छ । अस्ट्रेलियाले विना कुनै विकेट क्षति ३७.४ ओभरमा २ सय ५८ रन बनाएर जितको लक्ष्य पूरा गरेको थियो ।

उसका लागि प्रारम्भिक ब्याट्सम्यान जोडी दुवैले शतक बनाए र नटआउट रहे । डेविड वार्नरले १ सय २८ रन बनाए भने एरोन फिन्चको बलबाट १ सय १० रन निस्केको थियो ।


अस्ट्रेलियाले टस जितेर भारतलाई पहिले ब्याटिङको निम्तो दिएको थियो । यस निर्णयलाई सही सावित गर्दै पाहुना बलरले भारतलाई ५० ओभर पनि टिक्न दिएन् । घरेलु टिम ४९.१ ओभरमा अलआउट हुँदै २ सय ५५ रन मात्र बनाउन सफल रह्यो । त्यसमा शिखर धवनले सर्वाधिक ७४ रन बनाए । यस्तै केएल राहुलले ४७ रनको योगदान दिए ।


उनीहरूले दोस्रो विकेटका लागि १ सय २१ रनको साझेदारी गरे । पाहुना बलरमध्ये मिचेल स्टार्क सर्वाधिक सफल रहे । उनले ५६ रन खर्चेर तीन विकेट लिए । यस्तै प्याट कमिन्स र केन रिचर्डसनले दुई दुई विकेट हात पारे । यस जितसँगै अस्ट्रेलियाले तीन वान डेको सिरिजमा १–० को अग्रता लिएको छ । अब दोस्रो वान डे शुक्रबार राजकोटमा हुनेछ ।

प्रकाशित : पुस २९, २०७६ २१:१२
ADVERTISEMENT
प्रतिक्रिया
पठाउनुहोस्

सरकारका राम्रा कामको प्रशंसा गर्ने मन-मुटु भएका सम्पादक छैनन् : प्रधानमन्त्री

कान्तिपुर संवाददाता

काठमाडौँ — प्रधानमन्त्री केपी शर्मा ओलीले सरकारले गरेका राम्रा कामहरूको समाचार नै नबन्ने गरेको गुनासो गरेका छन् । सरकारले गरेका राम्रा कामको समाचार बनाउने मन-मुटु भएका सम्पादक नभएकाले राम्रा कामको प्रशंसामा समाचार नबनेको उनको आरोप थियो ।

नेपाल चेम्बर अफ कमर्सका व्यवसायीसँगको भेटघाटका क्रममा मंगलबार प्रधानमन्त्री ओलीले सरकारका राम्रा कामका समाचार नै नबन्ने गरेको गुनासो गरेका हुन्

सरकारले सडकलाई मानवमुक्त बनाएको प्रसंग उल्लेख गर्दै ओलीले अहिले सडकमा कुनै पनि मानिस बेबारिसे नभेटिने दाबी गरे पहिलेपहिले बालबालिकाहरू कुकुरसँग लडाइ गरेर खानेकुरा टिपिरहेको देख्ने गरिन्थ्यो । अहिले यो सरकार आएपछि काठमाडौंका सडकमा बालबालिका छैनन्,' उनले भने, 'उनीहरूलाई राख्ने, बस्ने, पढाउने प्रबन्ध मिलाइएको छ । मान्छेहरू सडकमा लडिरहेका हुन्थे, झिंगा भन्किराख्या हुन्थ्यो, कुकुरसँग सुतिराख्या हुन्थ्यो, कुकुरले घाउ चाटिराख्या हुन्थ्यो तर आज त्यस्ता व्यक्तिहरू सडकमा छैनन् '

सडक मानवको व्यवस्थापन गरेको ओलीको दाबी थियो । उनले थपे, 'नेपाल भिखारीको देश होइन भन्दै आएका छौँ । कोही बेघर हुनुपर्दैन । ठग बेघरलाई घर पठाइ दिने र साँच्चिकैको बेघरको प्रबन्ध सरकारले गर्दै आएको छ सामान्य लाग्ने यी कामको सामाजिक अर्थ ठूलो भएको उनको भनाइ थियो

त्यसपछि ओलीले मिडियाप्रति असन्तुष्टि पोख्न थाले 'हामीले काम गरेका छौँ । त्यस्ता कामहरूको प्रशंसामा लेख्ने, प्रशारण गर्ने टेलिभिजन छैनन् । त्यस्ता काम छाप्ने पत्रपत्रिका छैनन् । त्यस्ता काम प्रशंसा गर्ने मुटु भएका, मन भएका सम्पादक छैनन् । यदि छ्यास्सछुस्स कसैले लेखिहाल्यो भने पनि गाली खान्छ 'राम्रा कुरा पनि गर्न थालिस बिग्रिन्छस्' भन्छन् 'सकारात्मक कुरा पनि गर्न थालिस्' भन्ने आउँछन्,’ उनले भने

ओलीले आफूले जहाजको कुरा गर्दा, रेलको कुरा गर्दा ठट्टाका रूपमा लिने गरिएको भए पनि अहिले काम भइरहेको बताए मैले जहाजका कुरा गरें, पूर्वपश्चिम रेलका कुरा गरें, उत्तर दक्षिण रेलका कुरा गरें । अहिले त्यसको कामहरू लगभग सकिएर निर्माण भइरहेको छ,' उनले भने

ओलीले थपे, 'पहिले हामीलाई रोडको समस्या थियो । अहिले कोलकत्ता मात्रै होइन विसखापट्टनम, मुम्बइ, पूर्वपश्चिम सबै ठाउँबाट रोड छ । चीनसँग पनि हामीले विभिन्न सम्झौता गरेका छौँ । धेरै नाकाहरू खुलिसकेका छन्

हाम्रो समाज छाउपडी र छाउगोठवाला समाज हो । हामी कहाँ छौँ भन्दा छाउपडीवालाहरूको दुनियाँमा छौँ । तर त्यस किसिमबाट बाहिर आउनुपर्छ । सामाजिक जागरणमा अगाडि बढ्नुपर्छ,' उनले भने । चेम्बरका व्यवसायीहरूलाई लगानीमैत्री वातावरण निर्माणका लागि ऐन कानुनहरूमा संशोधन गर्नुपर्ने भए संशोधन गर्न तयार रहेको उनले बताए

प्रकाशित : पुस २९, २०७६ २०:५९
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
×