दैलेख — दैलेखमा पिङ खेल्ने क्रममा खसेर एक जनाको मृत्यु भएको छ । दैलेखको नारायण नगरपालिका वडा नं ६ काँडाचौर बसपार्कस्थित पिङ खेल्ने क्रममा पिङबाट खसेर १८ वर्षीय नवराज बोगटीको मृत्यु भएको हो ।
बुधबार दिउँसो ४ बजेतिर पिङ खेल्ने क्रममा खसेर घाइते भएका बोगटीको जिल्ला अस्पताल दैलेखमा उपचारका क्रममा मृत्यु भएको जिल्ला प्रहरी कार्यालय दैलेखका प्रहरी निरीक्षक पुरुषोत्तम कार्कीले बताए ।