दार्चुलामा जिप दुर्घटना : १ जनाको मृत्यु, ५ घाइते
दार्चुला — बिहीबार राति दार्चुलाको अपिहिमाल गाउँपालिका-५ तिम्लामा जिप दुर्घटना हुँदा एक जनाको मृत्यु भएको छ ।
दुर्घटनामा परी मृत्यु हुनेमा अपिहिमाल–६ का १८ वर्षीय दिनेशसिंह धामी रहेका छन् ।अपिहिमाल गाउपालिका ५ का वडाध्यक्ष राजेन्द्रसिंह धामीका अनुसार दिनेशको दुर्घटनास्थलमै मृत्यु भएको हो ।
मार्मा गाउँपालिकाको लटिनाथबाट अपिहिमालको मकरीगाडतर्फ जाँदै गरेको म १ ज २३३ नम्बरको जिप दुर्घटनामा परेको वडाध्यक्ष धामीले जानकारी दिए । जिपमा चालकसहित ९ जना सवार रहेका थिए। घाइते ५ जनाको लटिनाथ स्वास्थ्य चौकीमा उपचार भइरहेको प्रहरीले जानकारी दिएको छ ।
प्रकाशित : आश्विन ७, २०७९ ०७:२५प्रतिक्रिया
