भारतबाट घर फर्केकै दिन श्रीमतीको हत्या, छोराछोरी घाइते
धनगढी — कैलालीको गौरीगंगा नगरपालिका–५ की ३२ वर्षीया ललिता नामजाली मगरको बुधबार राति हत्या भएको छ । उनको हत्या भारतको रोजगारीबाट फर्केकै दिन श्रीमान् शेरबहादुर नामजाली मगरले गरेको प्रहरीको भनाइ छ ।
जिल्ला प्रहरी कार्यालयका प्रहरी प्रवक्ता वेदप्रकाश जोशीका अनुसार हत्या गरिएको अवस्थामा ललिताको शव बिहीबार बिहान भेटिएको हो ।
उनकी १७ वर्षीया छोरी लक्ष्मी नामजाली मगरमाथि पनि धारिलो हतियार प्रहार गरिएको र हाल गम्भीर घाइते अवस्थामा उनको सेती प्रादेशिक अस्पतालमा उपचार भइरहेको प्रहरीको भनाइ छ ।
छोरा विजय नामजाली भने सामान्य घाइते अवस्थामा रहेको छ । घटनापछि फरार रहेका शेरबहादुरलाई पक्राउ गरिसकिएको र घटनाको थप अनुसन्धान भइरहेको प्रवक्ता जोशीले बताए ।
प्रकाशित : आश्विन ६, २०७९ १०:४१प्रतिक्रिया