बलात्कारको आरोपमा शिक्षक पक्राउ

ट्युसन पढ्न आएकी किशोरीलाई बलात्कार गरेको आरोपमा मेलौली नगरपालिका– ३ स्थित प्रिति माविका शिक्षक किशोर जोशीलाई पक्राउ गरिएको जिल्ला प्रहरी कार्यालय बैतडीले जनाएको छ ।

किशोरीका आफन्तको मौखिक उजुरीका आधारमा शिक्षकलाई नियन्त्रणमा लिइएको जिल्ला प्रहरी कार्यालयका प्रवत्ता प्रहरी निरीक्षक लोकराज जोशीले बताए । उनका अनुसार घटनाबारे थप अनुसन्धान भइरहेको छ ।