युवती मृत भेटिइन्
दार्चुला — महाकाली नगरपालिका–३ मानाकोटमा एक युवती सोमबार दिउँसो मृत अवस्थामा भेटिएकी छन् । मानाकोटकी २० वर्षीया रोशनी महरा मृत फेला परेको जिल्ला प्रहरी कार्यालय दार्चुलाले पुष्टि गरेको छ ।
प्रहरीका अनुसार सोमबार टाउको दुख्यो भनेर सुतेकी महरालाई परिवारले मृत अवस्थामा फेला पारेका थिए । विवाहित महरा माइती घरमा सुतिरहेको अवस्थामा मृत भेटिएको जिल्ला प्रहरी कार्यालयका सूचना अधिकृत राजेश शाहीले बताए ।
मृतक महरा केही समयदेखि माइती घरमा बस्दै आएकी थिइन् । घटनाको थप अनुसन्धान भइरहेको प्रहरीले जनाएको छ ।
प्रकाशित : श्रावण २, २०७९ २०:००प्रतिक्रिया