बसको ठक्करबाट साइकलयात्रीको मृत्यु
काठमाडौँ — बेदकोट नगरपालिका–७ स्थित पूर्व पश्चिम राजमार्गमा बुधबार बसको ठक्करबाट साइकलयात्रीको मृत्यु भएको छ ।
जिल्ला प्रहरी कार्यालय कञ्चनपुरका प्रहरी निरीक्षक लालबहादुर बमका अनुसार महेन्द्रनगरबाट धनगढीतर्फ जाँदै गरेको ना ४ ख ८०७७ नम्बरको बसको ठक्करबाट शुक्लाफाँटा नगरपालिका–६ का अन्दाजी ३० वर्षीया विमलादेवी जोशीको मृत्यु भएको हो ।
सडक पार गर्ने क्रममा बसले जोशीलाई ठक्कर दिएको प्रहरीले जनाएको छ । सख्त घाइते भएकी जोशीलाई अस्पताल पुर्याउने क्रममै मृत्यु भएको बताइएको छ ।
बसका चालक भीमदत्त नगरपालिकाको बनगाउँ बस्ने ३४ वर्षीय राजेन्द्र जोशीलाई प्रहरीले नियन्त्रणमा लिएको छ ।
प्रकाशित : असार ८, २०७९ १३:४७प्रतिक्रिया
