विषादी सेवनबाट बालिकाको मृत्यु
जाजरकोट — कुशे गाउँपालिका ८, बिजुलीडाँडामा विष सेवनबाट एक बालिकाको ज्यान गएको छ । बिजुलीडाँडा बस्ने चित्रबहादुर रोकायकी अढाई वर्षीय छोरी प्रवेशिका रोकायको विष सेवनबाट आइतबार मृत्यु भएको हो ।
घरमा कोही नभएको अवस्थामा कोठामा राखेको तरकारी खेतीमा प्रयोग हुने थाइराइड नामको विषादी खाँदा उनको ज्यान गएको प्रहरी नायव उपरीक्षक श्यामबहादुर खत्रीले बताए । बालिकाले विषादी खानेकुरा होला भनेर खाएको अनुमान खत्रीको छ ।
घटनाबारे अनुसन्धानका लागि प्रहरी टोली घटनास्थल पुगेको उनले बताए ।
बालिकाको शव पोस्टमार्टमका लागि जाजरकोट अस्पताल ल्याउन लागेको प्रनाउ खत्रीले बताए ।
प्रतिक्रिया