दिनहुँ राजमार्गमा निस्कन्छ गैंडा

चितवन निकुञ्जबाट ६ किलोमिटर उत्तर राजमार्गमा एक सातायता दिनहुँ गैंडा डुल्न थालेपछि दुर्घटनाको जोखिम बढेको छ । पूर्वी नवलपरासीको सदरमुकाम कावासोती बजारबाट २ किलोमिटर पूर्वतर्फ राजमार्गमा गैंडा हिँडेपछि हेर्ने र फोटो खिच्नेको भीड लागेको थियो ।

राजमार्ग किनारमा चर्ने गैंडा राजमार्ग वारपार गर्दा यात्रुले रमाइलो मान्ने गरेको स्थानीय सूर्य गुरुङले बताए । डिभिजन वन कार्यालयका सहायक अधिकृत शरद अधिकारीले गैंडालाई बस्तीतर्फ आउन नदिन धपाउन थालिएको बताए ।