सवारी ज्यान मुद्दाका फरार अपराधी ११ वर्षपछि पक्राउ
स्याङ्जा — सवारी ज्यान मुद्दामा दुई वर्ष कैद सजाय तोकिएका एक व्यक्ति ११ वर्षपछि पक्राउ परेका छन् । जिल्ला प्रहरीले पुतलीबजार नगरपालिका–८ कोल्मा घर भई पोखरा महानगरपालिका–१० मा बस्दै आएका राजकुमार नेपालीलाई नियन्त्रणमा लिएको हो ।
लुकीछिपी बस्दै आएका नेपालीलाई गोप्य सूचनाका आधारमा पक्राउ गरी जिल्ला अदालतमा हाजिर गराएर कारागार पठाइएको जिल्ला प्रहरी प्रवक्ता डीएसपी राजेन्द्र अधिकारीले बताए ।
उनी २०६६ असार ३ गतेदेखि फरार थिए । यसै गरी प्रहरीले विभिन्न मुद्दामा जरिवाना असुल गर्न बाँकी रहेका ती जनालाई पक्राउ गरी कारबाही अघि बढाइएको जनाएको छ ।
प्रकाशित : आश्विन १३, २०७७ १२:३२
प्रतिक्रिया