चितुवाको आक्रमणबाट तनहुँमा डेढ वर्षीय बालकको मृत्यु

‘घरका अन्य सदस्यहरु घरभित्र अन्य कामकाजमा व्यस्त भएको बेला आँगनमा खेल्दै गरेका रोहनलाई चितुवाले टिपेर लगेको रहेछ’, उनले भने, ‘चितुवाले लगेका बालकको बुधबार मध्यरातमा टाउको र हात मात्र भेटिएको छ । ती दुवै अंग घरबाट झण्डै तीन किलोमिटर पर जंगलमा भेटिएको हो । अरु भाग अझै भेटिएको छैन ।’

यसअघि पनि शुक्लागण्डकीमा चितुवाको आक्रमणबाट एक बालकको ज्यान गइसकेको छ । २०७४ साल फागुन १ गतेयता चितुवाको आक्रमणबाट तनहु्ँमा १० जना बालबालिकाले ज्यान गुमाइसकेका जिल्ला डिभिजन वन कार्यालयका प्रमुख केदार बरालले बताए । त्यस्तै, चितुवाको आक्रमणबाट ८ जना बालबालिका घाइते भएका छन् ।