कान्तिपुर वेबसाईट
AdvertisementAdvertisement

बाढीले गैंडाकोटको डाइभर्सन बगायो

कान्तिपुर संवाददाता

नवलपुर — पूर्व पश्चिम राजमार्ग अर्न्तगत पूर्वी नवलपरासीको गैंडाकोटमा बाढीले डाइभर्सन बगाएको छ । 

सडक बिस्तारको क्रममा पुल निमार्ण हुँदै गरेको स्थानमा डाइभर्सन निर्माण गरिएको थियो । डाइभर्सन बगाएपछि सवारी आवातजवात बन्द भएको छ ।

गत राती १ बजेदेखि सडक अवरुद्ध भएको इलाका प्रहरी कार्यालय गैंडाकोटका प्रहरी निरीक्षक चन्द्रबहादुर थापाले बताए । अहिले बगाएको डाइभर्सनमा माटो भरेर बाटो खुलाउने प्रयास भइरहेको छ । सयौंको संख्यामा मालवाहक ट्रक र निजी सवारी साधन रोकिएका छन् ।

प्रकाशित : असार २७, २०७७ ०९:३९
प्रतिक्रिया
पठाउनुहोस्

गोबरगाढा ‘टापु’मा कोसीको बाढी पस्यो

२ सय जनाको उद्धारको तयारी
अवधेशकुमार झा

सप्तरी — निरन्तरको वर्षापछि सप्तकोसी नदीमा पानीको बहाव बढेसँगै कोसीको मध्य भागमा रहेको हनुमाननगर कंकालिनी नगरपालिका वडा नम्बर १३ गोबरगाढा गाउँसँग सम्पर्क विच्छेद भएको छ । चारैतिरबाट कोसी नदीले घेरिएको टापु भनेर चिनिने बाढी पसेपछि जलमग्न भएको छ ।

फाइल फोटो

हनुमाननगर कंकालिनी नगरपालिकाका मेयर शैलेशकुमार साहका अनुसार गोबरगाढामा ८० घरधुरीमा करिब २ सय जना छन् । चारैतिरबाट कोसी नदीको बाढीले घेरिएपछि सर्वसाधारण संकटमा परेको वडाध्यक्ष बिन्देश्वरी यादवले बताए ।

शुक्रबार रातिदेखि घरघरमा दुई फिटसम्म पानी पसेको र बस्तीको चारैतिर कोसी नदीको बाढीले घेरिएका कारण निस्कन सक्ने अवस्था नरहेको वडाध्यक्ष यादवले बताए । बस्तीका सर्वसाधारणलाई ओहोरदोहोर गर्न यसअघि नै डुंगाको व्यवस्था गरिए पनि स्थानीयहरु टापुबाट बाहिरिएका थिएनन् । शुक्रबार रातिदेखि घर–घरमा पानी पसेपछि गोबरगाढाको जनजीवन निकै नै प्रभावित भएको वडाध्यक्ष यादवले जनाए ।

मेयर शैलेशकुमार साहले गोबरगाढा टापुमा फसेकाहरुलाई त्यहावाट निकाल्ने तयारी भइरहेको बताए । सप्तरीका प्रमुख जिल्ला अधिकारी शंकरहरि अधिकारीले पनि गोबरगाढाका स्थानीयलाई निकाल्ने व्यवस्था मिलाइरहेको बताए ।

प्रकाशित : असार २७, २०७७ ०९:३०
पूरा पढ्नुहोस्
प्रतिक्रिया
पठाउनुहोस्
×