भुजुङ गए १० हजार जरिवाना 

आश गुरुङ

लमजुङ — पर्यटकलाई गाउँ प्रवेशमा रोक लगाएका क्व्होलासोंथर–४ भुजुङका बासिन्दाले लकडाउनमा गाउँ आउनेलाई जरिवाना गर्ने भएका छन् । विभिन्न बहानामा गाउँ प्रवेश गर्न खोजिएको भन्दै वडा कार्यालयले बैठक डाकी १० हजार जरिवाना तोकेको हो ।


कसैले निर्णय थाहा नपाएर गाउँ आएको रहेछ भने उसलाई ५ हजार तोकिएको छ ।

वडाअध्यक्ष खिमबहादुर गुरुङका अनुसार विश्वभर महामारीका रूपमा फैलिएको कोरोना भाइरस भुजुङमा फैलिन नदिन थप निर्णय गरिएको हो । गाउँ प्रवेश गरेकालाई जरिवानासहित १४ दिन क्वारेन्टाइनमा राख्ने निर्णय छ । बैठकले सामूहिक सहयोगका लागि यसअघि गरिँदै आएको टोल पर्ममा समेत बन्दे लगाएको छ । यस्तै, भोजभतेर र २५ जनाभन्दा बढी जम्मा भएर कुनै पनि काम गर्न नपाइने नियम बनाएको छ ।


लालीगुराँस युवा क्लबका अध्यक्ष नौराज गुरुङका अनुसार गाउाका प्रत्येक टोलमा वडा कार्यालय, युवा क्लब, आमा समूह, स्वास्थ्य चौकी, अन्नपूर्ण संरक्षण क्षेत्र आयोजना (एक्याप), इलाका संरक्षण कार्यालयलगायतको समन्वयमा जनचेतनाका कार्यक्रम सञ्चालन गरिँदै छ ।


पर्यटन व्यवस्थापन उपसमिति भुजुङका अध्यक्ष तुलबहादुर गुरुङका अनुसार यसअघि स्थानीयले वैशाख १६ सम्मका लागि पर्यटकलाई प्रतिबन्ध लगाएका थिए ।

प्रकाशित : चैत्र २५, २०७६ १५:२३
ADVERTISEMENT
प्रतिक्रिया
पठाउनुहोस्
ADVERTISEMENT

थर्मल गनमा कालोबजारी गर्ने शंकर ग्रुपका सञ्‍चालक सुलभ अग्रवाल पक्राउ 

मातृका दाहाल

काठमाडौँ — ज्वरो नाप्‍ने थर्मल गनमा कालोबजारी गरेको आरोपमा शंकर ग्रुपका सञ्‍चालक सुलभ अग्रवाल पक्राउ परेका छन् । महानगरीय अपराध महाशाखाको टोलीले अग्रवाललाई नक्सालबाट मंगलबार बिहान पक्राउ गरेको हो । 

उनको साथबाट प्रहरीले ६७ वटा थर्मल गन पनि बरामद गरेको छ । नेपालका लागि किर्गिस्तानका अवैतनिक दूतसमेत रहेका अग्रवालले ५ हजारमा पाइने थर्मल गन १५ हजारसम्‍म लिएर बिक्री गरेका थिए । गत सातामात्रै अग्रवालले नेपाल एयरलाइन्सको जहाजमार्फत् चीनबाट २० हजार थान थर्मल गन ल्याएको पनि खुलेको छ ।

अपराध महाशाखाका एसएसपी सहकुल थापाले अग्रवाललाई कालोबजारीको कसुरमा पक्राउ गरिएको बताए । अहिले प्रहरी नक्सालस्थित अग्रवालको घरमा खानतलासीका लागि पुगेको छ ।

अग्रवालले बढी मूल्यमा थर्मल गन बेचेको थाहा पाएपछि प्रहरी अनुसन्धान गर्न ग्राहक बनेर गएको थियो । 'हामी आफैं ग्राहक बनेर अग्रवालसँग डिल गरेका थियौं । आवश्यक प्रमाण जुटेपछि उनलाई पक्राउ गरिएको हो, ' एसएसपी थापाले भने ।

ग्राहक बनेको प्रहरीलाई सामान पुर्‍याउन जाने क्रममा अग्रवाल कूटनीतिक व्यक्तिले प्रयोग गर्ने गाडीमा राखिएको थर्मल गनसहित पक्राउ परेका थिए । यस विषयमा अनुसन्धान भइरहेको थापाले बताए ।

प्रकाशित : चैत्र २५, २०७६ १५:०२
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
×