पहिरोले गाउँलाई च्याप्न थालेपछि गत वर्ष मर्स्याङ्दी गाउँपालिका–३ अर्खलेका धनराज गुरुङको परिवार बेंसीसहर बसाइँ सर्यो । गत वर्षको भदौ अन्तिम साता गाउँछेउ भीषण पहिरोपछि स्थानीय टेकबहादुर गुरुङ पनि परिवारसहित बेंसीसहर सरे । यस वर्ष पुन: पहिरोले घेर्न थालेपछि स्थानीय विस्थापित हुन थालेका छन् ।
पहिरोले घरखेत लगेपछि मर्स्याङ्दी गाउँपालिका–३ तरापु पल्लोटारीका बासिन्दाको बिचल्ली भएको छ । उनीहरूलाई सबैभन्दा ठूलो चिन्ता बासको छ । ‘टेक्ने भुइँ न समात्ने हाँगो भयौं,’ ५६ वर्षीया गंगा सार्कीले भनिन्, ‘अब कहाँ बस्ने, के खाने थाहा छैन ।’ उनकी दिदी चन्द्राको पनि यस्तै हालत छ । अविवाहित उनीहरू छुट्टाछुट्टै बस्दै आएका थिए ।
लमजुङको मर्स्याङ्दी गाउँपालिका–८ मा पर्ने सुरुङमार्गको माथिल्लोपट्टी मस्र्याङ्दी नदीतर्फको ढिस्को खस्दा वारिपट्टि वडा नं. ३ को खहरेखोलामा २ घर पुरिएको छ ।
लमजुङको मर्स्याङ्दी गाउँपालिका–३, तरापु पल्लोटारी गाउँमा पहिरो खस्दा १८ वटा घर पुरिएको छ । जम्मा ७४ घर रहेको उक्त गाउँका सबै घरमा पहिरोले क्षति पुर्याएको स्थानीयले बताएका छन् । केही दिनदेखिको अविरल वर्षाका कारण बुधबार बिहान पौने १० बजेतिर पहिरो खस्दा गाउँलेको घर पुरिएको स्थानीय राजकुमार मिजारले बताए । उनका अनुसार मंगलबार पहिरो गएपछि २१ घरपरिवार नजिकैको स्कुलमा बस्न गएका थिए ।
भारी वर्षासँगै आएको बाढीपहिरोले लमजुङमा एकदर्जनभन्दा बढी परिवार विस्थापित भएका छन् । बाढी पहिरोले घरमा क्षति पुर्याएपछि उनीहरु विस्थापित भएको प्रहरीले जनाएको छ ।
बेंसीसहर नगरपालिका ७, सहजीको सहरी विकास कार्यालयको क्वारेन्टाइनलाई हटाएर रातारात आइसोलेसन बनाइएको छ । शुक्रबार दिनभर विरोधमा उत्रिएका स्थानीय साँझ घर फर्किएपछि राति ११ बजेतिर सामग्री लगेर आइसोलेसन बनाइएको हो ।
