भारतबाट आएका व्यक्तिको दमका कारण क्वारेन्टाइनमा मृत्यु
पोखरा — झन्डै दुई साताअघि भारतको हैदराबादबाट आएका कास्कीको रुपा गाउँपालिकाका ५० वर्षीय एक व्यक्तिको बुधबार मृत्यु भएको छ । उनी मंगलबारदेखि गाउँपालिकाकाले संचालनमा ल्याएको क्वारेन्टाइनमा बसेका थिए ।
गाउँपालिकाका प्रमुख प्रशासकीय अधिकृत बिष्णुप्रसाद पोखरेलका अनुसार ती व्यक्ति बिहान खाना खाएर सुतेका थिए । पछि जाँच्ने क्रममा अलि असहज अवस्थामा भेटिएपछि पोखरा स्वास्थ्य विज्ञान प्रतिष्ठानको क्षेत्रीय अस्पताल लगिएको थियो ।
अस्पताल ल्याइपुर्याउँदा उनको मृत्यु भइसकेको अस्पतालका सूचना अधिकारी नारायण आचार्यले बताए । आचार्यका अनुसार उनका कोरोनाका कारण नभइ दमका कारण मृत्यु भएको हो । उनीमा ज्वरो, रुघाखोकीलगायत कोरोनाका कुनै लक्षण थिएन । गाउँपालिकाले विदेशबाट फर्किएका सबैजनालाई क्वारेन्टाइनमा बस्ने व्यवस्था गरेको छ । क्वारेन्टाइनमा २४ जना राखिएको छ ।
प्रकाशित : चैत्र १२, २०७६ १९:०४