गोरखा — एक सातादेखि सम्पर्कविहिन रहेका सहिद लखन गाउँपालिका–७ बुंकोटका ४७ वर्षीय काजिराम थापा मंगलबार मृत भेटिएका छन्।
गोरखा नगरपालिका–९ मा उनको शव भेटिएको डीएसपी वासुदेव खतिवडाले बताए । थापा माघ ९ गतेदेखि परिवारको सम्पर्कमा थिएनन् । भीरबाट लडेको अवस्थामा उनको शव फेला परेको प्रहरीले बताएको छ । उनको टाउकोमा चोट देखिएको र घटनाबारे थप अनुसन्धान भइरहेको डीएसपी खतिवडाले बताए ।