एनसेल टावरमा आगजनी

राति शुक्रबार करिब साढे ११ बजेतिर टावरमा जडित तारमा आगो लगाइएको एसपी ओम अधिकारीले बताए । ‘पराल र बोराहरु सल्काएर आगो लगाइएको छ,’ उनले भने, ‘इक्‍वीपमेन्ट र टावरमा कनेक्सन हुने तारमा मात्र क्षति पुगेको छ ।’

आगजनी नेत्रविक्रम चन्द नेतृत्वको प्रतिबन्धित नेकपाले गरेको हुनसक्ने प्रहरी अनुमान छ । अहिले उक्त क्षेत्रमा एनसेल मोबाइलको सेवा प्रभावित बनेको छ ।

टावरमा क्षति पुर्‍याएको बारे सुक्ष्म ढंगले अनुसन्धान भइरहेको प्रहरीले जनाएको छ ।