सर्लाही — मधेस प्रदेश मिडिया काउन्सिलका अध्यक्ष शिवहरि भट्टराईको निधन भएको छ । नेपाल पत्रकार महासंघ सर्लाही शाखाले आयोजना गरेको ११औं साधारणसभामा सहभागी हुन आएका भट्टराई लालबन्दीस्थित होटेलमा मृत फेला परेका हुन् ।
लालबन्दी -१३ पत्थरकोटस्थित होलिडे रिसोर्टमा रातिको खाना खाएर कोठामा पुगेका उनी शनिबार बिहान ओछ्यानमा फेला परेका हुन् । भट्टराई ओछ्यानमै बान्ता गरेको तथा उनले खाने औषधि छरपस्ट अवस्था भेटिएको प्रहरीले जनाएको छ ।