१७.१२°C काठमाडौं
वनमौरीले चिल्दा वृद्धाको मृत्यु
सिरहा — वनमौरीले चिल्दा वृद्धाको मृत्यु भएको छ । आँपको बगैंचा घुम्न गएकी गोलबजार नगरपालिका–२ गुरुधामकी ७५ वर्षीया रामरती देवी महतोको वनमौरीले चिलेपछि मृत्यु भएको हो ।
मौरीको हुलले जिउभरि टोक्दा बेहोस भएकी उनको धनगढीस्थित आरके मेडिसिटी अस्पतालमा उपचारको क्रममा आइतबार मृत्यु भएको स्थानीय प्रेम सिंहले जानकारी दिए ।
अस्पताल प्रशासनले गम्भीर अवस्थामा उपचारका लागि ल्याएकाले उपचार सम्भव नभएको जनाएको छ ।
प्रतिक्रिया
