सिमरामा ‘मल्टिप्लेक्स’- मधेस - कान्तिपुर समाचार

सिमरामा ‘मल्टिप्लेक्स’

लक्ष्मी साह

बारा — दसैंको अवसर पारेर बाराको सिमरामा सिनेमाघर (मल्टिप्लेक्स) सञ्चालनमा ल्याइएको छ । सिमराका स्थानीय व्यवसायीहरूको संयुक्त लगानीमा उक्त सिनेमाघर सञ्चालनमा ल्याइएको हो । 

‘केएसआर मुभिज’ नामकरण गरिएको सिनेमाघरको लागत १८ करोड रुपैयाँ भएको सञ्चालक राजन उप्रेतीले बताए । सिनेमाघरमा अहिले नेपाली चलचित्र ‘बाबरी’ र ‘प्रेम गीत ३’ एकैसाथ दुवै पर्दामा प्रदर्शन भइरहेको छ । यस्तो सिनेमाघर सञ्चालनले यस क्षेत्रबाट वीरगन्ज र हेटौंडासम्म हेर्न जाने चलचित्र पारखीहरूलाई सुविधा थपिनुका साथै अन्यत्र चलचित्र हेर्न जानुपर्ने बाध्यता हटेको कासिम मियाँ अन्सारीले बताए ।

पूर्वश्रममन्त्री किसान श्रेष्ठ, बाराका प्रमुख जिल्ला अधिकारी कृष्णबहादुर कटुवाल, हाँस्य कलाकार किरण केसी, सन्दीप क्षेत्रीलगायतले चलचित्र हलको एकसाथ उद्घाटन गरेका थिए ।

प्रकाशित : आश्विन १५, २०७९ १९:०७
प्रतिक्रिया
पठाउनुहोस्

त्रिभुवन विमानस्थलको पाँच किलोमिटरभित्र ड्रोन उडाए कारबाही हुने

रासस

काठमाडौँ — नेपाल नागरिक उड्डयन प्राधिकरण (क्यान) ले त्रिभुवन अन्तर्राष्ट्रिय विमानस्थलको पाँच किलोमिटर क्षेत्रभित्र ड्रोन उडाउनेलाई कारबाही गरिने जनाएको छ । विमानस्थलको पाँच किलोमिटर क्षेत्रभित्र ड्रोन उडाउने कार्यले विमानको उडान सुरक्षामा गम्भीर असर पर्ने भन्दै उक्त कार्य नगर्न/नगराउन प्राधिकरणले आग्रह गरेको छ ।

नेपाल नागरिक उड्डययन प्राधिकरणले एक सूचना जारी गर्दै त्रिभुवन विमानस्थलको पाँच किलोमिटर क्षेत्रभित्र ड्रोन नउडाउन एक सूचना प्रकाशित गरी जानकारी गराएको र उक्त सूचनाको अटेर गरेमा कानूनअनुसार कडा कारबाही गरिने चेतावनी दिएको छ ।

ड्रोन उडानसम्बन्धी नियम २०२१ ले विमानस्थलको आसपास ड्रोन उडाउन बन्देज गरे पनि पछिल्लो केही समययता उक्त नियमलाई अटेर गरी ड्रोन उडाउने कार्य भइरहेको पाइएकाले ड्रोन उडाउन बन्द गरिएको प्राधिकरणको भनाइ छ ।

प्रकाशित : आश्विन १५, २०७९ १८:५३
पूरा पढ्नुहोस्
प्रतिक्रिया
पठाउनुहोस्
×